بلدي / لرسول حمزاتوف ..

مساحه لإقتباساتي ..


(أيها المسافر ، إذا لم تعرج على منزلي فليستيقظ البَردُ والرعد على رأسك ، البَردُ والرعد ..
أيها الضيف : إذا لم يرحب بك منزلي فيسقط البَردُ والرعد على رأسي ، البَردُ والرعد ..)
 

شخص من المحيطين كان يحدثني انه نوى يترك شيء هو مبدع فيه لأنه مل ، ونشر هالخبر خلاص ..

انصدمت من قراره لأنه كان فجأه وبدون مقدمات ، فكنت اتكلم بدون ما افكر اني اغير بنسبه 1% رأيه ،

كنت اقول مثلاً : انت حر بكيفك انا مالي دخل ، بس تراك غبي ، قهر حرام يضيع كل اللي سويته ..

 واذا به يقول : نفسيتي ماش هالأيام ، بس وعد اسبوع اسبوعين وانا راجع ..

للحين متفاجأه من سرعه هالعوده ، بس مستانسه فيها ..

{ عالم بلا خرائط ..

انتهيت من قراءة عالم بلا خرائط ولله الحمد ، وجدت انني كلما غرقت في صفحات هذا العمل بعثرني أكثر ، والتساؤلات بقيت معي حتى بعدما انتهيت منه ..


علاء الدين نجيب وقصة حبه نجوى العامريه التي وجدت مقتوله هو محور العمل ، لكن وجدت اني اغرق بكل شيء في هذا العمل بإستثناء علاقة علاء بالعامريه ..

حسام الرعد هو الرجل الذي كان يستحق مزيداً من الضوء هو بطل الرواية الذي كنت اتلذذ بقراءة الفصول التي يرد فيها ذكره ..

كعمل قام بكتابته روائيين متماسك وسلس ، رغم ذلك كنت امر على بعض المقاطع واهمس لذاتي لم يكتب هذا الا منيف ، وكتقييم هذه الرواية اضعها في ذيل قائمتي المنيفيه - لأسف - ، هي ليست سيئه لكن منيف كتب أجمل منها ..

{ جولــة في مكتبتـي ..

السلام عليكم ورحمة الله وبركاته ..


مكتبتي التي احب اريكم هي اليوم ، قبل ذلك أخبركم :
بدأت اقرأ من الطفولة ، لم يكن أحد من المحيطين حولي قارئ و(مازالوا) ، لكن حبي للقصص والحكايا جعلني الطفله التي تلح دائماً للحصول على الجديد دائماً ، ولم تكن خالتي او عمتي يتأخران في ذلك ..

القصص المرفقه بشريط كاسيت من أجمل الأشياء التي عرفتها بطفولتي ، ومن ماقرأته تلك الفترة :



قدر المهلبيه الذي أغرق المدينه واصبح الناس يتنقلون بالقوارب ..



العنزات الثلاث ، اظن انهن اردن عبور الجسر وإحداهن كانت تخاف ..



(اشتعلي اشتعلي يانيران .. وارقص وافرح ياجعيدان .. اسمك لن تعرفه سلمى .. وستعطيك الطفل اليوم )
جعيدان من الحكايا التي اقصها على الصغار كثيراً ..

بعد هذه المرحله انتقلت لقراءة مجلة ماجد ..



كنت استثقل ان يشغل صفحه من صفحات البدايه قارئ قديم ليخبر انه كان من قراء المجله وقد اصبح طبيباً او أباً
مرفقاً صوره لأسرته ، حالياً اتفهمهم ، مازلت لا أقاوم مجلة ماجد وربما اخرجت قارئ من اطفالنا ..

يلي هـذه المرحله اتت مرحلة مجـلات الشعر الشعبي و(عالم الرياضه) يوم ان كانت مجله ، وخلالها قرأت الأعمال
الكامله للمنفلوطي وروايات أجاثا كريستي ، وبعدها أصبحت الكتب تدخل لغـرفتي تدريجاً ، وتتواجد تحت السرير او داخل الأدراج او بدولاب (التسريحه) الصغير ، وتنقلت لأكثر من مكان الى أن استقرت بمكتبة التلفاز لحين تكدسها مرة أخرى ..

إليكم ارففي :



اربعون عاماً في البريه ، كنت اريد العربيه السعوديه ( تقليداً لتوليب ) ، ولم أجده لكن تصفحت الأربعون عام ووجدته مقارب للمحتوى الذي اريد فأخذته ..
حاضر العالم الإسلامي من كتب الدراسه ، عادة اعطي كتبي للدفعة التي تليني ، بإستثناء هذا ، استاذتنا كانت سودانيه مختلفه وتتحدث عن كل شيء بدون ان تخشى ان تسمعها الجدران ، كنت اختلف معها أحياناً لكن الود بيننا كبير ..

رف أخواني السعوديين :



مدائن الرماد قد تكون اول رواية امتلكتها بهذا الرف ، كنت اعتربها شيئاً فريداً من نوعه ، اليوم هي وروايات قماشه مشروع اعاره بلا عوده ، غازي القصيبي بدايتي كانت سيئه معه بدأتها (بأبو شلاخ ) وأتبعتها بـ (سلمى) ، أما يوسف المحيميد ينقصني من رواياته الروايه الأخيره ، ولست حريصه على الحصول عليها ، عبدالله ثابت أشعر ان بجعبته الكثير ..
المؤلف الوحيد الموقع عندي يسكن بهذا الرف (وجوه في المساء) وهو عباره عن مجموعه قصصيه ، والغريب انها ليست لي :



طفله اخذها عن استعادة مجموعتها الزوج ، وانا أخذتني جدة ، وبقيت المجموعة القصصيه عندي ، اشك انها تذكرها أصلاً ..
(طفله صباح الخير !)

رف اخواننا العرب :



احلام تجربة فريده لأي قارئ ، قد تتسائلون اين ذاكرة الجسد ، ارادتها صديقه قبل مايقارب السنه فأعطيتها نسختي على أمل انني سأشترى أخرى ، والى اليوم لم أفعل ..
بالنسبه لغاده / فسيفساء دمشقيه دهشت عندما علمت انها السيرة الذاتيه لها ، جميل ، جميل جداً ، الجسد حقيبه سفر من أدب الرحلات ، غاده تركت اختيار عنوانه للقارئ وكان شيئاً غريباً وجميلاً ..




رف اخواننا من انحاء العالم :



كله مشروع إعاره بلا عوده ، بإستثناء الأربعه على اليسار (عيون الطوارق وبلدي) لم أقرائهم للأن ، لكن بلدي بالذات اثق انها ستكون مميزه ..


ومن اقرب الرفوف إلي هذا :



مجموعه جبران قرأتها بـ 2006 / 2007 ، جعلتني مهوسه بهذا الرجل لفترة ، هذه المجموعه اظن انني (لو) كنت شاباً لحظه شرائي لها ، لكان محمد الثبيتي الأن صديقي ، (بس اسمي شفته ) ..
الأعمال الكامله للمنفلوطي لم تتأكل أطرافها عندي ، انما اعرتها لـ( صديقة صديقة ) ، واذ بها تعيدها بعد ثلاث سنوات (لأن شقيقها سافر واخذها معه ) ..
المستطرف سمعت كلام الشيخ عائض عنه فاشتريته ، لكن وجدت من المستحيل ان اقرأه الا كفواصل بين كتاب وكتاب ، الرافعي مطر في اللغه ..





منيف ، منيف يقول عن هاملتون (هذا الرجل اتعبني) ، وأنا اقول ( لم يتعبني إلا أنت ) ، مع منيف تعلمت ان اطلق على كل الروايات في رف (اخواننا السعوديين ) روايات خفيفه ..




ذكريات الشيخ علي الطنطاوي ، اشتريت الجزء الرابع فقط (على أساس اني اشوف الإسلوب ) ، وكلما اردت قرأته قلت لذاتي يجب ان أبدأ بالجزء الأول ، فبقي هذا الكتاب يتيماً ، بخصوص الشيخ علي الطنطاوي الطبعات الجديده مؤلفاته تحتوي على تعليقات (مجاهد) حفيد الشيخ في الهوامش ، اما كتاب (هكذا ربانا جدي على الطنطاوي) لعابده العظم من أجمل الكتب التربويه ..
رحله جبليه رحله صعبه سيره ثريه لفدوى طوقان ، لايجب ان تحبوا فدوى او تعرفوها حتى تقرأوه ، من أكثر الكتب التي خرجت بكم كبير من الإقتباسات منها ..
من ما أحبه في هذا الرف كذلك ديوان موقف الرمال والأعمال الكامله لمحمد الثبيتي بالإضافه للسي دي ..




طوق الحمامه / لإبن حزم الاندلسي ، من الكتب التي اعود لها كثيراً ، اما حادي الأرواح كتاب روحي ، يجعك تستشعر معنى ان تشتاق للجنه ، الله يجعلني واياكم ووالدينا وجميع المسلمين من أهلها ..
كتاب (كشف الأخلاق بتوقيع الأوراق) من اجمل الكتب بتحليل التواقيع ..
مسابقات القرآن وحكايتي مع شغالتي إشتريتهم من قرطاسيه ..
الزير ، حصلت عليه فترة انبهاري بمسلسل الزير سالم ..




هذا الرف تقريباً اشبه بـ مهملات ورقيه ، بإختصار مشروع رف قابل للإزالة والإستبدال متى ما احتجت لذلك ..

آخر رف :



(الفقه على المذهب الأربعة) هو الباقي من فترة دراسة والدتي ، ولولا انني تمسكت به لم يكن هنا ، تفسير ابن كثير لم يحصل معه ماحصل مع مذكرات الطنطاوي لكنه في بيت جدتي ، مجموعة طارق السويدان التاريخ المصور ، جميعاً أضافت لي ، لكن الأندلس هو الأقرب لنفسي ..

وبكذا خلصت مكتبتي ..

_ مثلما ذكرت لا أحد ممن حولي يقرأ منها ، احياناً تسمع فتيات العائله عن كتاب معين فيطلبنه
والحمدلله ان الطلبات لم تتجاوز(السجينه / روايات قماشه العليان واغـاثا كريستي ) ، اختى
من والدي اظن انها مشروع قارئ لكنها لا تسكن معنا فإعارتها تكون من فترة لفترة و(تسلم وتستلم)
واثق انها تحافظ على كتبي أكثر مني ، لذلك تتجاوز باقي المستعيرات بدرجه ، حالياً عندها ( روايات
منذر القباني ومؤلفان للشيخ الطنطاوي ولا أذكر ان بقي شيء )..

_ كتاب (قصص محرمة في التوراة) هو الكتاب الوحيد الذي عاملته (بقلة ذوق) والقيته بسله
المهملات ، لكنه كان يستحق !

_ من الجمل التي اسمعها كثيراً وأنا أقرأ : (انتِ ماتطفشين كذا ؟!) ،( ماتصدعين ؟! ) ،
آخر جملة تشجيعية سمعتها من والدتي وقت التقاطي للصور : ( بشري نويتي تبيعنهم ؟!) ..

_ أجوائي بالقراءه عادية فقط يجب ان اريد ان أقرأ هذه اللحظه وسأقرأ ، المزاجية هي مشكلتي فقط !

_ ادواتي ومكاني غالباً :





وأخيراً : شكراً هوني على الفكرة / وشكراً لكم ..

* مشاركتي بفعاليه منتدى الإقلاع (جوله بمكتبة قارئ)  ..

هنا / { جولـه في مكتبتي ..

Smile ..

{ ثرثره ..

قبل فترة عرفت إنه ولد خالي اللي غطوه عني ، أهم شيء (غطوه عني) يبي يسجل بمنتدى الإتحاديين بس التسجيل مغلق ، وبحكم إني كنت إتحاديه أيام المراهقه (رغم إني مازلت مصره اني مارهقت) ، قلت بس ماطلب شيء عندي يوزر من 2003 واستخدام نظيف جداً وله موضوع بعد ..

وأخواته كل شوي وحده تتصل اليوزر واليوزر ، قلت خلاص بدخل أتأكد من رقم المرور ، دخلت ، و أنا كنت اعتقد إنه من 2003  طلع 2001 ، يعني يفترض اني بزر مو بزر بزر ، بس بزر على الكلام اللي بيجي ، وفتحت الموضوع (طلعت موضوعين ) لا وإسمي (حنين البطولات) بس البطولات ضاعت وهذا أنا لحالي ، أهم شيء لقيتني كاتبه :

عندما يصاب العاشق بمرض اسمه ((ابصار الالوان))فيرى كل ما

حوله اصفر واسود....

عندما يشغل تفكيره بتاريخ ماض وحاضر ومستقبل

لعميد اسمه الاتحاد....

عندما تنقلب عنده اروع اللوحات التشكيليه الى لوحه

رسم عليها شعار يقف شامخا....

عندما يترك كل شئ ليقضي الساعات الطوال في هذا المنتدى....

عندما تتحول كل الكلمات والعبارات عنده الى كلمه واحده

هي اتحاد....

عندما تكون متعته دروس ((ادب ..ادب)) ويضحك من قلبه اذا قرأ

او سمع اخر ادعاءت المنشطات....

عندما يتجمع ومعه الملايين بقلب واحد

حول صرح عمره 75عام...

عندما يرى بوضوح ان الكؤوس ترفض وتأبى الا أن ترتمي في

احضان وشاح مخطط بجلد النمور....

عندما يعلم انه مريض ويرفض العلاج....لانه ببساطه يعلم انه

لامرض اجمل من مرضه....

....عندها فقط يكون هذا هو الجنون بعينه ....

((((((جنون حب العميد))))))   

مدري وش كنت أحس وأنا اكتب هالكلام ، مهبوله ؟! أيه عادي اصير اتحاديه بس مو لذا الدرجه !
 احاول اقنع نفسي اني بهرت الموضوع شوي بحكم اني كنت قلم جديد ومتحمسه ، بش الشواهد ماتقول كذا ، اذكر اني سويت اضراب عشان يرضى ابوي الله يرحمه يصمم لي غرفه سوداء ، ورضى الحمدلله وكحلت عيني فيها ..
اهلي كانوا اذا فيه مباراه يصير حاله استنفار رغم انه ولا احد لا ابوي الله يرحمه ولا اخواني يشجعون الا واحد يقول انه هلالي ، فمن وين صرت كذا !

اذكر لما كنت اولى ثانوي ، اولتنا كانت صعبه مو مثل الحين وانا الصراحه كنت ما اذاكر ، طبعاً نتيجه طبيعيه اني انزل من الجيد جداً للجيد ، وحنا الكبار ننرحم والله صدمات اهلنا كلها يجربونها فينا :( ، جبت الشهاده وشافتها امي ماقالت شيء ابد وهي ساكته جابت كرتون ورمت كل مجلات عالم الرياضه ، ذيك المجموعه مازال قلبي موجوع عليها ..

يالله ماعلينا ، بس هونت اعطي ولد خالو اليوزر ..

وعلى ذكر الأرشيفات كنت أوري أختي وش كنت أكتب ، بحكم إني أعرف اني صغيره وقتها ، وإذا شفته زين الأن بشوفه كذا لأن أنا كاتبته فمثلاً :

 كنت ابيك تقول لي انتِ هواي

وابيك كل لحظه معاي

كنت ابيك تاخذني من شكي وخوفي

وابيك تكون بلسم جروحي

ابيك تنور بحبك دربي

وتنثر الغلا على قلبي

لقيتك في لحظه وداع تواسيني

وانت تدري انك عمري وسنيني

تقول بيجي يوم يالغلا وتنسيني

كنك ماتدري انه لحظتها ياغرامي

الدنيا بكبرها ماتواسيني..!! 

أختي تقول أكيد كنت سارقتها ، بس أنا متأكده عمري ماسرقت شيء لأحد ..

نشوف الثانيه :

عندما يرحلون عنا ، ويتركون خلفهم غربه المكان ، وناي حزين يعزف انهم لن يعودوا ، وصمت يمزقنا وذهول يقتلنا عندها شئنا ام ابينا ليس لنا الا ذكراهم ، فدعونا نتفنن في صبغها بأحلى الألوان ، دعونا نجعلها مكان دافئ وآمن نلجأ له كلما شعرنا بالغربه ، الغربه منهم والشوق القاتل لهم ، نلجأ له كلما شعرنا انهم كانوا كل شيء وتركونا في اللاشيء ..

هذي اعتقد انها كان بها المدونه قبل ما أمسحها يعني 2005 شيء قريب منه ..

هنا اختي استغربت وانصعقت (مالقيت لها شيء اوريها هو من منتديات 2002 ، 2003 عشان تعرف تستغرب ) ، قالت خير وش ذا ؟! عاد ادركت انه تفكيرها مدري وش يبي ، قلت هذي خواطر بحكم اني كنت اقرأ شعر كثير ، حتى شوفي ذي :

عندما يأتي المساء

اكون في اجمل حللي لانتظارك

عندما ياتي المساء 
اعطر خصلات شعري وانمقها لاستقبالك

عندما ياتي المساء
اجهز باقه زهوري الحمراء 
وكلمات حبي التي سرعان ماتتوارى خجلاً منك

عندما يأتي المساء ابعد جميع الساعات عني 
فقط حتى لايأخذك الزمن مني ويأخذني منك

لكن عندما يأتي المساء 

واعلم انك لن تأتي 

وسيشهد القمر نحيبي وانتحاري

وقتها فقط اتمنى ان لايأتي المساء ..

كم أرحمني ..!







بس رغم السنوات اللي مرت على هالنصوص ، وبعيداً عن بساطتها ، يفترض إنه كتابتي اليوم تكون أحسن ، وتتطور لغتي وإسلوبي ، لكن الحاصل انه أنا معاد أقدر اكتب !!

والسلام عليكم  ..

أيها النسيان أعطني يدك . .

لكاعه مشاعر {2} . . !

طلعت احس الحمدلله ، واستوعبت السالفه

بس يالله هذي الحياه ..
ولا برجع احن على هالموضوع ، لأنه اذا ماصار بالوقت اللي ابغاه معاد ابيه وعافته نفسي ..

ومجبوره والله يعوضني خير يا أنا ..

لكاعه مشاعر {1} . . !

فيه موضوع كنت مأمله عليه كثيييير من فتره ، بس امس تقرر انه (مو صاير ابد وانسي الموضوع) ، وبإعتبار اني حاطه آمال كثير على هالشيء المفروض ازعل ، اتأثر ، يكون لي رد فعل ، بس ولا اي شيء من ذا صار ، بالعكس ولا كأنه يهمني !

يمكن اكون مبالغه بأخذ كل شيء بسعه صدر وبرود لكن كأنسان طبيعي ودي اتأثر .. نص تأثر .. ربع تأثر ، بس احس اني احس :S !

لكن مو قادره ، صحيح يمكن بها الشيء خير لي ، بس لما خسرته ماحسيت انه كان مهم بالنسبه لي أصلاً ..
العجيب اني احاول اجبر ذاتي على انها تستوعب اني خسرت ، اعترض ، اتألم اقول شيء ، لكن متقبله هالشيء بطريقه غريبه !

 يمكن يكون رد فعلي طبيعي بس اللي حولي من اهل المبالغه  بمشاعرهم ، فأشوف نفسي مالي داعي :$ ؟! << رميت بلاي عليهم :( !

بس والله يبغالي افكر ازعل ولو تمثيل على هالشيء وارجع اعيد وازيد فيه لعل وعسى يصير :D

أشتاق لها كثيراً ، كثيـــراً ، وأشعر انها تراقبني ، تلوح لي وتبتسم ..
يشدني الحنين لها ، لها وحدها ..
هي المدينة الوحيدة التي استطاعت إحتوائي ، وهي المدينة الوحيدة التي تُبكيني ،
وهي المدينة التي تشبهني ، وهي المدينة التي تعلمت فيها ابجدية حُب المطر قطرةً . . قطرةً . . !
في الروايات والقصائد ابحثُ عن ملامحها، ونخيلها ، وأهلها ..

اُحبها ..
ولا عزاء لذكرى جميلة أبداً ..

{ رجلي العظيم ..

ياجدي هذا الظلام يرعبني ، وإبتساماتي البلهاء تزيدني وجعاً ، . . .

ياجدي هات الحكايا ، وقصائدك الصعبه ، ويدك . .
هات يدك ياجدي لأقبلها ؛ وابقي يدي بإستسلام فيها ، والأساور ؛ اساور الخرز بدلتها ، تحسس اساوري الأخرى ياجدي ..
ياجدي الليل طويل وانت الرفيق وتتركني وحيده ..؟!

* * * * *


يسألني : تعرفين من هم خوالك ؟!
ارد بإستغراب : خوالي عيالك !
يجيبني مستدركاً : لأ وش يقالهم ؟ خمستهم وش ؟!
اسمع اجابه من الغرفه المجاوره واقولها له فوراً ..
ارى السعاده تملأ وجه بحفيدته ، واعود وأسأله لألعب دور الحفيده النجيبه  : خمستكم يعني فخذكم ؟!
فيجيبي مردداً لي اسماء ابناء عمومته و(خمسته) ، وبعد ان اعدتهم عليه ، سألني جدي الذي لايعلم انني حتى ابناء عم والدي لا اعرف من هم : ( تعرفين ديرتنا وش يقال لها ؟!)
ابتسمت ، هذا السؤال سهل فطالما كررت على والدتي ان (ديرتنا) أكشخ من يرتهم !
اجبته بسرعه : (اليتمه ، اعرفها ، اشوفها يوم نروح المدينه )
يجيبني مقلداً طريقتي في الحديث : (اليِتمه !! ، مو اليتمه اسمها اليتمه )
ارد وانا لا أستوعب كيف نطقها : (ايه هي .) ..
لكن جدي لا يتركني هكذا ، بل يطلب مني ان أعيد نطقه فأطلب منه ان يكرره ، فأعيده بشكل صحيح ..


جدي الذي يسألني دائماً عن الربيع والمطر والإبل يشعرني اني عيناه التي يرى فيهم ، كثيراً ماتطلب مني امي او جدتي ان انقل له اخباراً مغلوطه ، مثلاً ولد خالك فلان جاء ؟! ، لأ ، ليه ؟ ، (تهمس جدتي قولي جاء وانت نايم) ، مدري يقولون يده انكسرت بس مدري ! ، ( تنظر لي جدتي ) ، ان مادرى مني بيدري من غيري ، يسأل جدي : متى ، كيف ، ولأني (مدري) ، تهطل اسألته المطر على جدتي ، امي ، خوالي ..



ان اطلت الغياب عن منزلهم (واطلت الغياب هنا قد تعني انهم لم يروني لخمس او ست ساعات) ، تأتي شقيقاتي او والدتي ليخبرنني ( أمك تسأل عنك ) ، وارد بتثقال (ماسألتوها اذا تبغى شيء ؟!) ، واعرف الجواب مسبقاً ذاك الذي لايخبرنني به وهو ان جدتي اشتاقت واستاحشت ، او ذاك الذي يرددنه دائماً (ابوك يناديك ) ..

فصل آخر في حياة الأشياء ..

انتهيت من قراءة رواية فصل آخر في حياة الأشياء لـ أحمد البشري ..
تبدأ جاذبية الرواية من عنوانها واللوحة على غلافها ، الذي قرأت في رد لهديل العبدان تقول فيه انه من رسم احمد البشري نفسه ..

واختلفت مع اخي الأصغر تركي الذي وسط انهماكي في قراءه الروايه وجدته يقول :

حركه ! طالع من فمهم مظلات ..

بينما انا شايفتهم فؤوس ، لكنها صح تجي مظلات :S ..
شوفوا الغلاف هنا :

 

الرواية تتحدث عن الموت ماقبله ومابعده ، عبر اربع شخصيات ( صبور العامل الأجنبي في ثلاجه
الموتى ، موسى احد الأموات في الثلاجه ، جابر الميت الذي يحظى بإمتيازات عند موظف الثلاجه ،
توفيق موظف الثلاجه الذي أصبح أحد الساكنين على ارففها بعد ذلك )
بداية الرواية ممله في جزيئة جابر وتعلقه بالأرقام وطريقة موته ، لكنها جميلة عندما يتحدث
موسى عن مخطوطاته وموته الذي اختاره لنفسه ، وجميلة جداً عند موت صبور ، وعند الحديث
عن توفيق وتصالحه مع وظيفته ومع الأموات وتخطيطه للمستقبل ثم في طريقة موته السهله ،
الصعبه خصوصاً والمطر يكاد يغرق الثلاجه ..!

سأقرأ بعدها ان شاء الله :
عالم بلا خرائط / لـ منيف وجبرا ..

" يارب ، ياصاحب الخيمة الزرقا ، أنت العالي وتعرف ما بالقلوب ، احرس الوادي وجنبه البلاء "



" اذا كان بدوي واحد أسنانه فرقاء وعينه حولاء جاب كل البلاء ، فهذه المرة ، وبعد ان جاء أصحاب العيون الزرق والأسنان الفرق لا بد أن يفنى الوادي ويهلك البشر ! "

على لسان متعب الهذال (التيه ص 63 )

إذا كان لايزال هناك من يتذكر ، فإن أقوى ثلاث ذكريات لاتزال تخبط القلب كلما عاد الإنسان لتلك الأيام وتذكر : التراكتورات وهي تهجم مثل ذئاب جائعه على الأشجار وتبدأ تمزقها وترميها أرضاً الواحدة بعد الأخرى ، ثم بعد ذلك تسوي بين شجره والثانيه ، بين الساقيه والأرض التي حولها ، حتى إذا انتهت مجموعه من الأشجار هجمت بنفس الضراوة والوحشيه على مجموعه جديده وبدأت تقتلعها .
كانت الأشجار وهي تميل وتترنح ، قبل أن تسقط ، تتصرخ ، تستغيث ، تولول ، تجن ، تنادي نداءً أخيراً موجعاً ، حتى إذا اقتربت من الأرض هوت بتضرع ، وكأنها تحتج أو تريد أن تلتحم بالتراب من جديد ، في محاولة لأن تنبثق ، لأن تتفجر مرة أخرى .

هكذا بدأت مجزرة وادي العيون ، وهكذا استمرت حتى أتت على كل شيء ؛ ومتعب الهذال الذي شهد بداية المجزره لم يشهد نهايتها ، لأن الرجال الذين وصلوا على صوت الآلات المجنونة ، ووقفوا يراقبون مايجري أمامهم ، وبعد أن افاقوا من الذهول الذي سيطر عليهم خلال الفترة الأولى ، والتفتوا ورأوا ابن هذال ، قال هؤلاء الرجال أشياء كثيرة شديدة الحزن . قالوا انهم لأول مرة في حياتهم يشاهدون رجلاً مثل متعب الهذال يبكي . كانت دموعه تتساقط بغزاره ، لكن بصمت ايضاً . كان صامتاً تماماً . لم يفه بكلمه واحدة . لم يشتم . لم تخرج من حنجرته أية آه أو نأمة ، فقط كانت دموعه تنهمر ، ولم يكن خجولاً أو خائفاً ، ولم يكن فخوراً أيضاً .
كان ينظر من خلال الدموع إلى الوادي كله ، كان ينظر بصمت ويهز رأسه .

( التيه ص 111 )

قراءه للهزيمه والعيش في ظلالها ..!

((يلزم ، يازيد ، نروح لجماعتنا. نزورهم ببيوتهم . نشوفهم ونسألهم : شلونكم يا جماعة الخير ؟ إن شاء الله مرتاحين وراضين علينا ؟ واذا نسيناكم ، ياجماعة ، فسبحان من لاينسى . لكنها الدوله وهمومها ، ويلزم تسامحونا ، وعسى الأيام اللي تجي أحسن من الأيام اللي راحت . ونسمع منهم يازيد ، خل كل واحد يسولف يقول اللي يريده . وحنا لازم نسمع . نقول لهم : الحق حق ، وماينزعل منه ، واللي تقولونه صحيح ، لكن البني آدم عقله ماهو دفتر ، ينسى ، تغره الحياه الدنيا أو تشغله ، لكن بعد هذا اليوم أبد ، ذاك يوم وهذا يوم . واذا زعلنا يازيد نكون مخطين .

 ويلزم نسأل عن كل واحد ، يازيد . لأن جماعتنا أرواحهم عزيزة ، والواحد منهم يموت ومايقول آخ . وانت تعرف : أولاد الحرام سدوا علينا كل باب . كل يوم بوجوهنا ، وسوالف وأخبار . وقالوا وقلنا . وبعدها : الله أكبر . وبعد الصلاة : تفضلوا ياجماعة الخير . وكلهم لقّامة ، وأبد ما يقولون لا . ياكلون ويتسوكون . واذا قمنا قاموا .  وثاني يوم سروة يجون .
وإذا سألنا : وين فلان ياجماعة الخير ؟ يسكتون ، يناظرون بوجوه بعضهم ويسكتون . وإذا سألناهم نوبه ثانية يقولون : ماندري .
" أمس يازيد تذكرت شداد ، وتذكرت شمران . صار سنين وأيام ماشفنا شمران . قال لي حماد : شمران ماعنده سالفه إلا سوق الحلال . قلت لحماد : اتركوا سوق الحلال بمكانه . قال لي : سوق الحلال صار أثر بعد عين ، ومكانه ماهو مناسب . قلت له :اتركوا الناس يترزقون . قال لي : العوالي أخير لهم وأوسع ..!

 يلزم تذكرني ، يازيد ، إذا رجعنا بالخير والسلامة حتى نزور شمران ، فإذا شفناه كلمة منا وكلمة منه وتصفى القلوب ، لأن الناس إذا ناظروا وجوه بعضهم ، إذا قالوا اللي بقلوبهم تصفى . أما اذا قيل عن قال ، خاست ، وأولاد الحرام يحصدونها .
ويلزم ، يازيد ، أن الواحد يقول اللي له واللي عليه . وموران اليوم ماهي مثل أمس . أمس كنا ندوّر ونقول : عطونا ياجماعة الخير : دين ، قرضه حسنه . اليوم ، وبعد ما أفاض الله علينا يلزم نقول خذوا . ومانترك أحد يجوع . لأني بين يوم والثاني أسمع من الحريمات : فلان ذابحه الجوع ، وفلان محتاج ومايلقى . وبمجلسنا ، يازيد ، كلهم يحمدون ويشكرون . لكن الناس ماهم بس اللي يجونا .
بعد اليوم ، يازيد لاتترك الشيبان ، اللي ماعندهم إلا : قال الله وقال الرسول ، يملون مجالسنا ويسدون بيبانا . خلنا نروح للناس ، خلهم يجونا . وبعدها نسوي اللي الله يقدرنا عليه ، لأنه بعد اليوم مالنا عذر ، ومالنا شفاعه عند أحد .
يستريح السلطان قليلاً ، يتذكر وجوهاً وأموراً كثيره ، لأن الأطياف القديمه تعاوده فتتغير لهجته :
" وحماد الله يصلحه ، ماعنده إلا سالفة : احذر وتوق ياطويل العمر . اولاد الحرام قلوبهم ماليها الطمع . وأقول له : يا ابن الحلال ، جماعتنا وحنا أدرى بهم . عطهم ، خلهم يشبعون ، لأنهم اذا شبعوا ارتخوا وفترت حركتهم ، وما يهمهم فلاني وتركاني . ويقول المؤامرة الفلانية ، الجماعة الفلانية ، الشخص الفلاني ، كلهم طامعين ويتأمرون . وأقول له : سوالف ياحماد ، وأخاف جماعتك هم اللي ينقشون ويكتبون ، وتراهم واهمين . يقول : حنا متأكدين ياطويل العمر ، وعندنا الدليل "
يهز السلطان رأسه . يحاول ان يضحك ، فلا تخرج من فمه إلا همهمات ساخرة . يتابع :
" والله لو قدر حماد كان سد بيبانا ، وماخلى حتى الطير يمر من فوقنا أو أحد يقرب منا "
وتغيرت اللهجة ، وأصبحت آمره اقرب إلى الحدة :
" لكن من رجعتنا ، يازيد ، نقول لهم : اتركونا . افتحوا بيبانا وخلوا الناس يجونا ، ومثل ماسوى المرحوم أبوي نسوي . لانخاف ولا نجفل . وماتاخذنا كلمة وتردنا الثانية . ونقول لحماد : وأنت ياحماد إنس هذي السوالف ولا تخف ، وأولها وتاليها : المقدر ازم يصير ".
ويضيف مخاطباً نفسه :
"أي نعم ، أي نعم هذا اللازم ، وهذا اللي يصير "
وبعد أن يخيم الصمت ، وكل من الرجلين يفكر بأمور مختلفة تماماً عن الأخر ، يقول السلطان وهو يتلفت حواليه :
" وبعد ما أنعم الله علينا يلزم نسوي موران جنة ، يازيد ، البيوت ، الشوارع ، الحدايق ، المدارس ، ومثل ماقال لي الجماعة قبل شهر أو شهرين ، قالوا : مشكلة موران الماء . إذا توفر الماء كل شيء يتغير . وما دام الله أعطانا وتفضل ، ومادامت الفلوس واجدة ، نقدر نجر الماء من كل مكان ، نحفر البير ، ونحفر القاع ..."
وتتغيير اللهجة مرة أخرى تصبح تعليمية :
" والماء يجر الماء ، يازيد ، مثل الفلوس تجر الفلوس . فإذا ربعت قاعنا ، وإذا زاد زرعنا ، وصار الشجر والثمر ، ترى ديرتنا تتغير . تصير موران مثل البستان "
وتصبح اللهجة آمرة من جديد :
"برجعتنا ، يازيد ، لاتنس تذكرني : كل من يحفر بير الحكومة تساعده . كل من يزرع شجره الحكومة تساعده . ومايروح يوم ويجي الثاني إلا والسلطنه كلها ، من حران إلى البقعة ، من المطالع إلى عين موسى أرض خضراء مثل هذي الديرة وأحسن .
وتذكرني ، يازيد ، : المدارس على حسابنا . الاجزخانات على حسابنا . وتعالوا ياناس ، تعالوا يا أولاد الحلال : كل من يريد يعلم أولاده : ولا قرش . كل من يطب الاجزخانه مايدفع ولا قرش . وماهو بس كذا ، كل واحد يخرج من الاجزخانه معافى ، إكرامية : دشداشة وعباية ، وفي أمان الله . واللي يموت يدفن على حسابنا !
الناس ، من قبل ، يازيد ، جواعا . الخبز مايحصل . تذكر ذيك الأيام . هالحين لازم ياكلون ويشبعون . وكل واحد بموران عنده عيال ، عنده أكثر من أربعة يلزم الحكومة تعاونه . الفلوس من فضل الله واجدة . وخذوا يا أولاد الحلال ، انتم النشامه وتستاهلون ، وماننسى أحد أبد .
والمحابيس يازيد . الله يرحمه خربيط . كان بكل عيد يطلق قسم منهم . كل واحد جرمه خفيف ، كل واحد بقي له مده قصيره ، تعال يافلان ترى هالمرة سامحناك ، وانت من اليوم طليق ، لكن إذا جيتا نوبة ثانية ترى ماتخلص منا . تسمع ؟ وبعد مايسمع ويطيع : اعطوه قرشين ياجماعة وخلوه يدور أهله .
حنا يازيد نسينا هذي العادة ، سويناها نوبة ، وبعدها الشيطان الله يخزيه ، نسانا . هالحين من رجعتنا . أول شيء تذكرني بها المساكين . ذكرني ولا تمل ، ومايهم عيد أو ماهو بعيد ، يلزم هالمساكين يرجعون لأهلهم ."
ويهز رأسه أسفاً على هذه الأخطاء التي وقعت دون أن يفطن لها ، ودون أن يذكره بها أحد . يضيف بحزن :
"واللي ذبحوهم جماعتنا هنا وهنا ، يازيد ، لا تتركوا أهلهم إلا وترضوهم . حطوا بجيب كل واحد منهم قرشين ، وقولوا لهم : عفا الله عما مضى ، وحنا أولاد اليوم "
وتتغير النبرة :
"لأن هذول إذا ماكانوا راضين يسوون كل شيء . يلزم ترضوهم يازيد . وأريد منك انت وحماد أن تحضروا لايحه بكل اللي ذبحهم الجماعة من يوم استلامي للعرش . وتعالوا يا اخوانهم ، يا أهلهم ، وتبلغونهم : ترى ياجماعة الخير طويل العمر مايدري . لاعرف ولا سمع . وتعرفون : براسه الف شغله وشغله ، لكن لما جا من قال له ، رد وقال : أبد مايصير . وهالحين هو اللي أمرنا . قال شوفوهم ، طيبوا خاطرهم ، واللي يريدونه يصير . وحنا ، ياجماعة الخير مانقدر إلا ننفذ أوامر جلالة السلطان . تسمع يازيد ؟ لاتتركوا أحد أبد ، لأن من هذا الباب تجي الريح ، فإذا خلصنا منهم تخلص الطلايب ، ونخلص من سوالف حماد "))

من حديث السلطان خزعل قبل علمه بالإنقلاب عليه في موران ..

المنبت (ص 13 – 17 )

ThEMeS

أمير ، تنقى ياخيي ..